Erməni vitse-spiker Almaniya XİN-in nümayəndə heyəti ilə Cənubi Qafqazda sülh prosesini müzakirə edib
Ermənistan parlamentinin vitse-spikeri Ruben Rubinyan Almaniya Xarici İşlər Nazirliyinin Cənubi Qafqaz, Mərkəzi Asiya və Şərq Tərəfdaşlığı üzrə Departamentinin rəhbəri Mattias Follertlə görüşüb.
Bu barədə Zeferinfo.az Ermənistan parlamentinin sosial şəbəkələrdəki paylaşımına istinadən məlumat verir.
"Tərəflər Ermənistan və Azərbaycan arasında sülh sazişi məsələsinə, həmçinin Ermənistan-Türkiyə münasibətlərinin tənzimlənməsi prosesinə toxunublar", - məlumatda bildirilib.
Qeyd edək ki, Mattias Follertin başçılıq etdiyi Almaniya nümayəndə heyəti Ermənistanda səfərdədir. Görüşdən dərc olunan fotoşəkillərə əsasən, nümayəndə heyətinə Almaniyanın Azərbaycandakı səfiri Ralf Horlemann, Ermənistandakı səfiri Klaudia Buş və Gürcüstandakı səfiri Peter Fişer daxildir.
